Մեր գործունեության ընթացքում իրականացվել է 108 հազարից ավելի անձանց նկատմամբ վարչական համաներում, կարճվել է կատարողական ավելի քան 1 մլն 260 000 վարույթ. Այս մասին ասուլիսի ժամանակ ասաց ՀՀ արդարադատության նախարարի պաշտոնակատար Արտակ Զեյնալյանը:
Նրա խոսքով՝ այս պահին համաներմամբ պատժի կրումից ազատ է արձակվել ավելի քան 550 դատապարտյալ, իսկ պրոբացիոն ծառայությունում համաներում կիրառվել է ավելի քան 1000 շահառուի նկատմամբ:
«230 անձ պայմանական վաղաժամկետ ազատ է արձակվել, և սա ներկայացված միջնորդությունների 2/3-րդն է կազմում: Նաև ներկայացվել է միջնորդություններ ցմահ ազատազրկված անձանց խափանման միջոցը փոխելու պահանջը: Մեր պատմության մեջ առաջին անգամ ցմահ դատապարտյալ է ազատ արձակվել»,-ասաց Զեյնալյանը:
Արտակ Զեյնալյանը նշեց, որ կգործի ազդարար էլեկտրոնային հարթակը, որի օգնությամբ քաղաքացիները անանուն կազդարարեն կոռուպցիոն երևույթների մասին:
