Տավուշի մարզին սահմանակից ադրբեջանական շրջանները Ադրբեջանի զինված ուժերի փոխարեն կհսկեն սահմանապահները

Հայ-ադրբեջանական սահմանի որոշ հատվածներում Ադրբեջանը պատրաստվում է սահմանային հսկողությունը զինված ուժերի ստորաբաժանումներից փոխանցել սահմանապահ ծառայությանը, այս մասին գրում է Trend-ը՝ հղում անելով երկրի նախագահ Իլհամ Ալիևի կարգադրությանը։

Մասնավորապես նշվում է, որ սահմանի հսկողությունը կփոխանցվի սահմանապահներին Ադրբեջանի Ղազախի և Աղստաֆի շրջաններում։

Ուշագրավ է, որ այդ շրջանները սահմանակից են ՀՀ Տավուշի մարզին ու հենց այս հատվածից էին պարբերաբար գնդակոծվում Հայաստանի սահմանամերձ բնակավայրերը։

Ղազախում ու Աղստաֆում սահմանապահների տեղակայմանմասին տեղեկատվությունը հաստատել է Ադրբեջանի սահմանապահ ծառայության ղեկավար, գեներալ-գնդապետ Էլչին Գուլիևը։