Հնդիկ դեռահաս Միհիր Ջաինը, ով համարվում էր աշխարհի ամենագեր երեխան, նիհարել է 100կգ-ով եւ կարողացել է իր ոտքով կինոթատրոն գնալ։ Այս տարվա ապրիլին 14-ամյա տղան ստամոքսի կրճատման վիրահատւթյուն էր տարել Դելիում եւ անցել խիստ սննդակարգի։ Վիրահատությունից հետո Միհիրը նիհարել է 100 կգ-ով, իսկ նախքան վիրահատությունը կշռում էր 237 կիլոգրամ։
Տղան ճարպակալմամբ տառապել է 5 տարեկանից, սակայն տարիքի պատճառով բժիշկները վախենում էին միջամտել։ Նրանք մորը հորդորել էին հետեւել երեխայի սննդակարգին, սակայն ծնողները չէին լսել բժիշկներին, երեխան հիմնականում կերել էր քաղցր ու ճարպոտ սնունդ, ինչի արդյունքում 14 տարեկանում քայլել չէր կարողանում։ Նա դադարել էր դպրոց գնալ եւ չէր հանդիպում ընկերների հետ։
Այժմ նիհարելուց հետո տղան առաջին անգամ կարողացել է կինոթատրոն գնալ, կարողանում է քայլել, գրում է Daily Mail-ը։
Աղբյուր՝ Բուժ ինֆո
