Բրիտանացի դերասան Ջուդ Լոուի և նրա առաջին կնոջ՝ դերասանուհի Սեյդի Ֆրոսթի դուստրը՝ 18-ամյա մոդել Այրիս Լոուն Instagram-ի իր սթորիսում ռեզոնանսային լուսանկար է հրապարակել և հերթական անգամ հայտնվել հասարակության ուշադրության կենտրոնում:
Աղջիկը Պուտինի՝ մինչև գոտկատեղը մերկ ձիու վրա հայտնի լուսանկարի պրինտով սպորտային հագուտով է եղել, որին ուշադրություն է դարձրել MiceTimes Asia կայքը:
Որպես մոդել նրբակազմ Այրիսի պաշտոնական դեբյուտը կայացել է 2015թ. դեկտեմբերին:
Անցյալ տարի Այրիսը դարձել է Burberry ապրանքանիշի դեմքը: Ի դեպ, Այրիս Լոուի կնքամայրը հայտնի սուպերմոդել Քեյթ Մոսն է:
