Կորած երեխայի որոնողական աշխատանքները ժամանակավորապես դադարեցվել են


Կորած երեխայի որոնողական աշխատանքները ժամանակավորապես դադարեցվել են
Նոյեմբեր 7 21:30 2018

ԱԻՆ փրկարար ծառայությունը ժամանակավորապես դադարեցրել է Վանաձորում կորած երեխայի որոնողական աշխատանքները: 

Ինչպես «Արմենպրես»-ին տեղեկացրին ԱԻՆ լրատվական ծառայությունից, ժամը 18:00-ին որոնողական աշխատանքները դադարեցվել են: 

Նոյեմբերի 7-ին, ժամը 13:34-ին «911» ծառայությանը տեղեկություն է հաղորդվել, որ նոյեմբերի 6-ին, ժամը 19:00-ի սահմաններում Ա. Մ.-ն (12 տ., տառապում է աուտիզմով) Լոռու մարզի Վանաձոր քաղաքի Մարգարյան փողոցի տներից մեկից դուրս է եկել և չի վերադարձել. որոնողափրկարարական աշխատանքներ իրականացնելու համար անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ մարզային փրկարարական վարչության օպերատիվ խումբը: 

Որոնողական աշխատանքներին մասնակցում են նաև ոստիկանության ՄՎ աշխատակիցներ և կորած քաղաքացու հարազատներ: