Ամերիկացի ռեփեր Քանյե Ուեսթը հայտարարել է, որ լուրջ է տրամադրված և մտադիր է մասնակցել 2024-ին անցկացվելիք նախագահական ընտրություններին:
«Եթե ես որոշել եմ անել դա, ուրեմն այդպես էլ կլինի, ես չեմ պատրաստվում ուղղակի փորձել: Այո՛, 100 տոկոսով դա կարող է տեղի ունենալ 2024-ին»,- The Independent-ի հաղորդմամբ՝ ասել է ռեփերը Power 92 Chicago ռադիոկայանի եթերում տված հարցազրույցի ժամանակ:
Ինչպես հայտնի է, սա առաջին անգամը չէ, երբ Ուեսթը նման հայտարարությամբ է հանդես գալիս: Առաջին անգամ նախագահական աթոռի համար պայքարին միանալու մասին նա հայտարարել էր 2015 թվականի MTV Music Awards մրցանակաբաշխության ընթացքում: Այն ժամանակ նա նշում էր, որ 2020-ին է մասնակցելու նախագահական ընտրություններին:
