Տավուշի մարզի սահմանամերձ Բերդավան համայնքում օգոստոսի 2-ին ադրբեջանական կողմից բռնկված հրդեհից այրվել է մոտ 10 հեկտար խաղողի այգիներ: NEWS.am-ի հետ զրույցում Բերդավանի գյուղապետ Սմբատ Մուղդուսյանը պատմեց, որ երեկ կեսօրից հետո բռնկված հրդեհը հաջողվել է մարել գյուղացիների, հրշեջների օգնությամբ:
«Խաղողի այգիների մի մասը մշակվում էր, մյուս մասը՝ չէր մշակվում, ես գյուղի երիտասարդներին չեմ թողել առաջին գծում մասնակցել հրդեհաշիջման աշխատանքներին, քանի որ ընթացքում ադրբեջանական կողմից կրակոցներ էին լինում»,-ասաց համայնքապետը:
Նա նշեց, որ ադրբեջանական կողմը հնարավոր հրդեհ առաջացնելու համար լուսածիր գնդակներով է կրակել:
