Ապրիլի 5-ին, ժամը 17:04-ին ահազանգ է ստացվել, որ Կոտայքի մարզի Հրազդան քաղաքի Կաքավաձոր թաղամասին հարակից սարալանջին այրվում է խոտածածկ տարածք:
Դեպքի վայր են մեկնել մեկ մարտական հաշվարկ և հրշեջ-փրկարարական ջոկատի օպերատիվ խումբը:
Հրդեհը մեկուսացվել է ժամը 19:12-ին, մարվել՝ 20:15-ին:
Այրվել է մոտ 20 հա բուսածածկույթ:
Հրդեհաշիջման աշխատանքներին մասնակցել է ազատ հերթափոխից 5 հրշեջ-փրկարար:
