Մարտի 26-ին, ժամը 23.25-ին, ոստիկանության Երեւան քաղաքի վարչության օպերատիվ կառավարման կենտրոն անհայտ քաղաքացուց հաղորդում է ստացվել, որ Թումանյան փողոցի 25 հասցեի մոտ վիճաբանություն է:
Ոստիկանության մամուլի ծառայությունից հայտնում են, որ ոստիկանության Կենտրոնական բաժնի ծառայողները պարզել են, որ մարտի 26-ին, ժամը 23.25-ին, 45-ամյա Արսեն Գ.-ն եւ 21-ամյա Գրիգորի Գ.-ն, նշված վայրում անհարգալից վերաբերմունք դրսեւորելով հասարակության նկատմամբ, կոպիտ կերպով խախտելով հասարակական կարգը, վիճաբանել են դեռեւս անձը չպարզված տաքսու վարորդի հետ, հարվածներ հասցրել նրան եւ ավտոմեքենային:
Ձեռնարկվում են միջոցառումներ տաքսու վարորդի անձը պարզելու եւ հայտնաբերելու ուղղությամբ:
Կատարվում է քննություն:
