Ի՞նչն է անհրաժեշտ արագ անել, ի՞նչը՝ դանդաղ

1. Գիտելիքներ ու կրթություն ստանալ
2. կարողություն ու բարեկեցություն ապահովել
3. բարձրանալ լեռների գագաթներին
4. աշխարհիկ հաճույքներ ցանկանալ
5. կորցնել ինքնատիրապետումը

1. Մարդը, որը ցանկանում է արագ կրթվել, փորձում է սովորել երկրորդ դասը՝ նախքան առաջինը մանրամասն սովորելը: Քանի որ մանրամասն չի սովորել առաջին ու երկրորդ դասերը, երրորդն ու մնացածը ևս դժվարությամբ կսովորի: Կրթություն ստացող մարդը պետք է համբերատարությամբ սովորի առաջին դասն այնքան ժամանակ, մինչև այն հիշի: Միայն այդ դեպքում կարող է անցնել երկրորդին, հետո՝ մնացածին: Բայց սովորելու ընթացքում դանդաղել, չի նշանակում՝ ծուլանալ ու ոչինչ չանել: Դանդաղ սովորել նշանակում է՝ կարդալ այնքան ժամանակ, մինչև ամբողջությամբ սովորես տվյալ դասը:

2. Հարստության ու բարեկեցության ձգտող մարդը, որը ցանկանում է ակնթարթորեն մեծ կարողություն ունենալ, փորձում է շատացնել ու համատեղել աշխատանքների տարբեր տեսակները: Նման մարդու մոտ աշխատանքի ոչ մի տեսակ հաջողված չի կարող լինել, արդյունքում՝ նա կհիասթափվի: Հարստանալ ցանկացող մարդը պետք է հանգիստ ու անընդհատ կատարի այն աշխատանքը, որում վարպետացել է, որպեսզի արդյունք ունենա: Այդ մարդը կհարստանա՝ կախված նրանից, թե ինչքան ջանք է գործադրել աշխատանքում:
3. Մարդը, որը ձգտում է արագ հասնել լեռան գագաթին, ու դրա համար արագացնում է քայլերը, այլևս ուժ չի ունենա այնտեղ հասնելու: Մեկ ուրիշը, որը դանդաղ ու գիտակցաբար է բարձրանում, կհասնի մինչև լեռան գագաթը: Հետևաբար, մեծ բարձունքների հասնելու համար պետք է հանդարտ քայլերով առաջ գնալ:
4. Կյանքի կեսին գտնելու համար պետք չէ շտապել: Շատերը շտապում են ու չեն հասցնում ճանաչել իրենց զուգընկերոջը, և նրան ընտրում են միայն ամուսնանալու համար: Միայն ամուսնանալուց հետո են հայտնաբերում, որ իրենց հարաբերություններում կան հակասություններ, և դժբախտանում են: Պետք է չշտապել զուգընկեր ընտրելիս, որը դառնալու է քո կյանքի ուղեկիցն ու աշխարհիկ հաճույքներդ կիսող մարդը:
5. Եթե մարդը բախվում է ինչ-որ իրադարձության հետ ու կորցնում ինքնատիրապետումը, ապա չի մտածի պատճառի կամ հետևանքների մասին ու միանգամից կբարկանա: Այդ դեպքում նա չմտածված քայլեր է անում, որից տուժում է նրա համբավը, իսկ ընկերները սխալ պատկերացում են կազմում նրա մասին ու դադարում շփվել: Դրա համար, երբ ինչ-որ բան է պատահում, որն առիթ է տալիս ինքնատիրապետումը կորցնելու, պետք է դանդաղել ու սառը դատել:

Երեք բան, որոնք պարտադիր պետք է դանդաղ անել, քանի որ հետո դժվար է ուղղել դրանք
1. Ամուսնանալ
2. Կառուցել
3. Դաջվածք անել

1. Բարեկիրթ տղամարդն ու կինը, որոնք ունեն բարոյական ամոթի զգացում (hiri) և բարոյական վախի զգացում (ottappa), ցանկանում են ամուսնանալ միայն մեկ անգամ, այլ ոչ թե՝ մի քանի: Դա փոխել դժվար է: Հետևաբար, ամուսնական ակտը պետք է կատարվի մտածված ու դանդաղ:

2. Պատվելու համար Բուդդայի արձանը պետք է կառուցել այնպես, որ նա լինի կատարյալ, իսկ տեղը, որտեղ այն պետք է դրվի, պետք է անթերի տեսք ունենա: Եթե տեղը պատշաճ չէ, իսկ արձանը՝ ոչ կատարյալ, ապա դրանք ուղղելը բարդ կլինի: Հետևաբար՝ տաճար կառուցելիս պետք է չշտապել, լինել ուշադիր ու կարգապահ:

3. Երիտասարդները սովորություն ունեն դաջվածքներ անել իրենց մարմնի տարբեր մասերին, իսկ երբ ծերանում են, ուզում են ազատվել դրանցից, բայց դա արդեն բավական դժվար է: Դրա համար պետք է առանց շտապելու ու երկար մտածելուց հետո միայն դաջվածքներ անել:

Բաներ, որոնք պետք է առանց հապաղելու անել
Տալ (dana), բարոյական պահվածք (sila), կենտրոնանալ (samatha), վիպասանայի պրակտիկա, որի շնորհիվ կարելի է պարգևատրվել (vipassana merits): Բուդդան ասում էր, որ, եթե պարգևատրվելու հնարավորություն ունեք այսօր, ապա այսօր պարգևատրվեք:
Հնարավորությունը, որն ունեք այսօր, չպետք է հետաձգեք վաղվան: Ինչո՞ւ չպետք է հետաձգեք: Որովհետև դուք այսօր ողջ եք, իսկ վաղը կարող եք ողջ չլինել: Ինչո՞ւ կարող է ողջ չլինեք: Որովհետև ձեր ներքին մարմինն ունի հիվանդություններ, իսկ մահն ունի զենքերի բազմաթիվ տեսակներ, ինչպես՝ սուր, թույն և այլն: Դուք հնարավորություն չեք ունենա մահվանը խնդրել ևս մեկ-երկու օր սպասել: