ՀՀԿ փոխնախագահ Արմեն Աշոտյանը լրագրողների հետ զրույցում անդրադարձել է սեպտեմբերի 27-ին՝ 44-օրյա պատերազմի տարելիցին, Հանրային հեռուստաընկերությամբ Թաթա Սիմոնյանի համերգի ցուցադրմանը։
«Փորձում են միջադեպ որակել, բայց դա իրականում համակարգային ճգնաժամի հետևանք է։ Վստահ եմ՝ այսօրվա Հ1-ը փորձել է պարզապես շոշափել հանրային տրամադրվածությունները, քանի որ մինչ այդ մարսել են սեպտեմբերի 19-ը, երբ արցախյան մեկօրյա պատերազմի օրը նույնպես տոնախմբություն էր տիրում եթերներում և իշխանական Հայաստանում, փորձեցին սեպտեմբերի 27-ին էլ անել», նշեց նա
Աշոտյանը նկատեց որ հասարակության «իմունիտետը տեղն է»։
«Հ1-ի բացատրությունը ավելի լավ բառ, քան էժանագին կրուտիտն է, չկա։ Ինքս աշխատել եմ Հ1-ում և շատ լավ գիտեմ, թե ինչպես է եթերային քաղաքականությունը որոշվում, այն էլ՝ այսօրվա Հ1-ում։ Ամոթի աստիճանն այն մակարդակի է, որ ագրեսոր Ադրբեջանում նույն օրը հիշվում է որպես հիշատակի օր», — ասել է ՀՀԿ փոխնախագահը։
