Հոկտեմբերին կայանալիք ՏԻՄ ընտրություններին «Ուժեղ Հայաստան»-ը կմասնակցի տարբեր ձևաչափերով։ Այդ մասին լրագրողների հետ զրույցում ասաց քաղաքական ուժի ղեկավար Սամվել Կարապետյանը։
Հարցին՝ դաշինքներ կկազմե՞ն, Կարապետյանը վերահաստատեց ասածը․ «Կմասնակցենք տարբեր ձևաչափերով»։
Ինչ վերաբերում է իշխանության կողմից հնարավոր ճնշումներին, Սամվել Կարապետյանը հիշեցրեց՝ «Ուժեղ Հայաստան»-ի թեկնածուները կամ բանտային կալանքի, կամ տնային կալանքի, կամ վարչական վերահսկողության ներքո են՝ արդեն վաղուց․
«Այսինքն՝ իրենք դրան նախապատրաստվել են՝ հարուցելով քրեական գործեր, որ եթե մենք առաջադրենք թեկնածու, հաջորդ օրը նրան էլ կալանավորեն, և մենք էլի մնանք առանց թեկնածու։ Դրա համար մենք այս անգամ ավելի խելացի քայլերով կգնանք առաջ»- ՏԻՄ ընտրություններին մասնակցության վերաբերյալ ասաց Սամվել Կարապետյանը։
