«GALLUP International Association»-ի՝ Հայաստանում լիիրավ անդամ «Էմ Փի ՋԻ» ՍՊԸ-ն սեպտեմբերի 22-24-ը հեռախոսային հարցում է իրականացրել, որին մասնակցել է 1001 մարդ։
Հարցման մասնակիցներին ներկայացվել է, որ սեպտեմբերի 1-ին Պուտին–Փաշինյան հանդիպումից հետո Ռուսաստանի նախագահ Վլադիմիր Պուտինը մամուլի ասուլիսի ժամանակ հայտարարել է, որ Հայաստանի ցանկության դեպքում Ռուսաստանը կարող է դուրս բերել իր 102-րդ ռազմաբազան Հայաստանից։
Քաղաքացիներից հետաքրքրվել են, թե ներկայացված տարբերակներից որն է առավել համահունչ Հայաստանի և նրա ժողովրդի շահերին։
Հարցման արդյունքներով՝ մասնակիցների 39.7%-ը կարծում է, որ Ռուսաստանի 102-րդ ռազմաբազան անհրաժեշտ է Հայաստանին՝ երկրի անվտանգությունն ապահովելու համար։
Հարցվածների 24.7%-ի կարծիքով՝ ռազմաբազան պետք է մնա Հայաստանում, սակայն դրա տեղակայման պայմանները պետք է վերանայվեն։
Միաժամանակ, հարցվածների 28.9%-ը կարծում է, որ Ռուսաստանը պետք է դուրս բերի իր 102-րդ ռազմաբազան Հայաստանից։
Հարցվածների 6.8%-ը դժվարացել է պատասխանել։
