«Երբ խոսում եք այն մասին, որ պետական կառավարումն արդյունավետ է, հորդորում եմ «Մուդիս» միջազգային հեղինակավոր կազմակերպության զեկույցն ուսումնասիրել»,-այս մասին ԱԺ-ում հայտարարել է «Ուժեղ Հայաստան» դաշինքից ընտրված պատգամավոր Մարիանն Ղահրամանյանը՝ անդրադառնալով ՀԷՑ-ի շուրջ իշխանությունների հայտարարություններին։
Պատգամավորն ապա շարունակեց․
«Մինչև 2020 թ․-ը ՀԷՑ-ի վարկանիշը «B2» է եղել, որը ավելի մեծ է Հայաստանի Հանրապետությանը տրված վարկանիշից։ Այսինքն՝ ձեր կառավարման ժամանակ երկրի վարկանիշից Սամվել Կարապետյանի ընկերության վարկանիշը ավելի մեծ է գնահատել անկախ միջազգային հեղինակավոր կազմակերպությունը։ Սրանով ամեն ինչ ասված է։ Իսկ ՀԷՑ-ի խլման օպերացիայից հետո այդ վարկանիշը նվազել է»,- ասաց Ղահրամանյանը։
Իր ելույթում նա նաև անդրադարձել է ՝ 300 000 ադրբեջանցիների Հայաստան գալու հետ կապված հայտարարություններին, միևնույն ժամանակ կրկին շեշտելով, որ թույլ չեն տալու, որ գան Հայաստան։
Մանրամասները՝ տեսանյութում։
