ԿԸՀ-ն հրապարակեց խորհրդարանական ընտրությունների նախնական արդյունքները․
Այսպես՝
«Քաղաքացիական պայմանագիր»՝ 49, 825 տոկոս
«Ուժեղ Հայաստան»՝ 23,281 տոկոս
«Հայաստան» դաշինք՝ 9, 934 տոկոս
«Բարգավաճ Հայաստան»՝ 3,996 տոկոս։
Հիշեցնենք՝ հունիսի 7-ին կայացած Հայաստանի Ազգային ժողովի հերթական ընտրությունների ժամանակ հանրապետության ողջ տարածքում բացվել և գործել է 2 005 ընտրատեղամաս, որոնցից 9-ը գտնվել են քրեակատարողական հիմնարկներում։ Ընտրական գործընթացի տեխնիկական պատշաճ կազմակերպման նպատակով տեղամասերում կիրառվել է ընտրողների էլեկտրոնային գրանցման շուրջ 4 000 սարքավորում։
Բացի այդ, գործընթացի թափանցիկությունն ու վերահսկողությունն ապահովելու համար 300-ից ավելի ընտրող ունեցող 1 758 տեղամասերում տեղադրվել են տեսախցիկներ, որոնց միջոցով իրականացվել է քվեարկության և ձայների հաշվարկի ընթացքի ուղիղ տեսահեռարձակում։ Հատուկ ուշադրություն է դարձվել նաև մատչելիությանը. ընտրատեղամասերից 612-ը հարմարեցված են եղել հենաշարժական խնդիրներ ունեցող քաղաքացիների համար։
Ընտրողների ընդհանուր ռեգիստրում ընդգրկված 2 503 976 քաղաքացիներից ընտրատեղամասերի փակման պահին՝ ժամը 20:00-ի դրությամբ, քվեարկությանը մասնակցել է 1 476 601 ընտրող, ինչը կազմում է ընդհանուր թվի 58.97%-ը։
Տեղամասերի փակումից անմիջապես հետո մեկնարկել է ձայների հաշվարկը, և Կենտրոնական ընտրական հանձնաժողովը սկսել է ստանալ ու հրապարակել առաջին տվյալները։
