«Կա օրենք, կա կարգ, բոլորն էլ պատասխան են տալու»,- Տավուշում քարոզարշավի ժամանակ ասաց ԲՀԿ առաջնորդ Գագիկ Ծառուկյանը՝ ի պատասխան Նիկոլ Փաշինյանի՝ իրեն թիրախավորելու մասին հարցին։
Նա նշեց, որ իրեն վրա էլ դրել էին ապօրինի հարստացում. «Ամբողջ կյանքս աշխատել եմ, 1989 թվականից օրը 1 միլիոն աշխատել եմ, ֆակտուրաներն էլ կան, սնկից եմ սկսել, կոշկի ցեխ եմ բացել, օղու գործարան:
Ինձ էլ էին դատել, հիմա արդարացրել են, դե թող պատասխան տան։ Ամեն ինչ չափ ունի, ամեն մարդ պետք է հասկանա, թե ինչ է խոսում: Իմ մեծությունից ցած չեմ իջնում, օրենքի առաջ բոլոր քաղաքացիները պարտավոր են պատասխան տալ»։
Անդրադառնալով հարցին, թե ինչու՞ Նիկոլ Փաշինյանը հիմա հիշել իր որդուն և երեկ հայտարարություն արեց վերջինիս ՀՀ վերադարձնելու և պատժելու մասին՝ Գագիկ Ծառուկյանը նշեց. «Դա թողնում եմ ձեզ, դուք որոշեք, դուք ասեք, ես ինչ երեկ արձագանքել եմ, իմ արձագանքը դա է»:
