Այսօր ՆԳՆ 112 օպերատիվ կառավարման կենտրոն ահազանգ է ստացվել, որ Նուբարաշենի աղբավայրում հրդեհ է բռնկվել։ Պարզվել է, որ խոշոր հրդեհը բռնկվել է աղբավայրի հարևանությամբ կուտակված՝ խոտանված անվադողերով լցված տարածքում։
Ինչպես հայտնում է ֆոտոլրագրող Գագիկ Շամշյանը, Երևանի հրշեջ-փրկարարական ջոկատներից 2 մարտական հաշվարկ է մեկնել դեպքի վայր։
Հրշեջներին հաջողվել է կանխել կրակի տարածումը և մարել այն։
Այս պահին իրականացվում են աշխատանքներ՝ կրակի օջախները հայտնաբերելու և մարելու համար։
