Խորհրդարանում տեղի են ունենում ԱԺ «Պատիվ ունեմ» խմբակցության նախաձեռնած «Պետություն-ազգային եկեղեցի հարաբերությունների ներկա վիճակը» խորհրդարանական լսումները:
Խմբակցության ղեկավար Հայկ Մամիջանյանը հայտարարեց, որ լսումներին հրավիրված են եղել նաև Հայ առաքելական եկեղեցու ներկայացուցիչները: Հոգևորականները չեն եկել, բայց նամակ են ուղարկել, որն էլ ընթերցեց Հայկ Մամիջանյանը:
«Ցավում ենք, որ Ավագ հինգշաբթի օրվա կապակցությամբ եկեղեցական միջոցառումներով պայմանավորված հնարավոր չի լինի եկեղեցականի մասնակցությունը այս լսումներին, որը ողջունում ենք:
Իշխանությունները չպետք է միջամտեն Եկեղեցու ներքին ինքնավարությանը: Փոխարենն այսօր մասնակցենք եկեղեցական միջոցառումներին, ստիպված ենք այս լսումները կազմակերպել»,- ասաց Մամիջանյանը:
Նշենք, որ «Պատիվ ունեմ» խմբակցությունը նախաձեռնել է «Պետություն-ազգային եկեղեցի հարաբերությունների ներկա վիճակի առնչությամբ» հայտարարության նախագիծը, որը քննարկվել է Պետական-իրավական հարցերի մշտական հանձնաժողովի նիստում։
Հանձնաժողովի նախագահի տեղակալ Արուսյակ Ջուլհակյանն ասել էր՝ «Պատիվ ունեմ» խմբակցության ղեկավար Հայկ Մամիջանյանը տեղեկացրել է, որ խմբակցության նախաձեռնությամբ հարցի վերաբերյալ լինելու են խորհրդարանական լսումներ և հնարավոր է, որ լսումների արդյունքում իրենք ստիպված լինեն լրամշակել ԱԺ հայտարարության տեքստը:
