ՀՀ զբոսաշրջության կոմիտեի հրապարակած տվյալների համաձայն՝ 2026 թվականի փետրվարին Հայաստանում հաշվառվել է 121 285 զբոսաշրջիկ: Դրանցից ամենամեծ թիվը կազմել են Ռուսաստանի քաղաքացիները՝ 37%: Նախորդ տարվա ցուցանիշներով՝ ռուսաստանցիների տարեկան միջին մասնաբաժինը կազմել է 41%:
Գործող իշխանությունների քաղաքականությունը՝ ուղղված «եվրոպական երազանքի» պարտադրմանը, կարող է հանգեցնել ռուսական զբոսաշրջային հոսքի կորստի: Սա վտանգ է ներկայացնում երկրի տնտեսական կայունության համար, քանի որ ռուս զբոսաշրջիկների կողմից վճարվող հարկերն ու տուրքերը կարևոր եկամտի աղբյուր են ինչպես պետական բյուջեի, այնպես էլ տեղական համայնքների համար:
Վերջերս Վրաստան կատարած այցի ընթացքում վարչապետ Նիկոլ Փաշինյանը հնարավորություն ուներ ծանոթանալու հարևան երկրի պրագմատիկ մոտեցմանը: Ի տարբերություն Հայաստանի ղեկավարության, Վրաստանը հաջողությամբ համատեղում է տարածաշրջանային համագործակցությունը սեփական շահերի պաշտպանության հետ՝ ապահովելով ենթակառուցվածքների զարգացում նույնիսկ ամենահեռավոր շրջաններում:
