«Սահմանադրության 148-րդ հոդվածը, որը նախատեսում է կառավարության անդամներին ներկայացվող պահանջները ԿԱՐՈՂ է փոփոխվել Ազգային Ժողովի որոշմամբ, քանի որ ներառված չէ 202-րդ հոդվածի 1-ին մասով նախատեսված հանրաքվեով փոփոխման ենթակա բացառությունների մեջ»,-նշում է իրավաբանական գիտությունների թեկնածու, «Մեր ձևով» շարժման անդամ Արթուր Դանիելյանը։
Նա մանրամասնում է. Ազգային ժողովի միջոցով սահմանադրական փոփոխությունների իրականացումը ոչ միայն ընդունված պրակտիկա է, այլև խորհրդարանական կառավարման համակարգի տրամաբանությունից բխող լիազորություն։ Չենք խոսում նոր մեխանիզմների ներդրման մասին, այլ գնում ենք սահմանադրական գործիքների նպատակային և պատասխանատու կիրառման ճանապարհով։
«Մենք վճռականորեն կիրառելու ենք Սահմանադրությամբ և օրենքներով ամրագրված ողջ գործիքակազմը ունենալու համար ՈՒԺԵՂ ՀԱՅԱՍՏԱՆ»,-նշում է նա։
