Ադրբեջանը սկսել է Հայաստան մատակարարել խիստ անհրաժեշտության ապրանքներ, նախևառաջ՝ նավթամթերք։ Այս մասին հայտարարել է Ադրբեջանի նախագահ Իլհամ Ալիևը Դավոսում Euronews-ին տված հարցազրույցում։
«Մենք սկսել ենք կարևորագույն ապրանքներ մատակարարել Հայաստան, հիմնականում՝ նավթամթերք, որից այս երկիրը մեծապես կախված է։ Եվ սա փոխշահավետ իրավիճակ է», - ասել է Ադրբեջանի նախագահը։
Նա նաև հայտարարել է, որ համատեղ ջանքերով Բաքուն և Երևանը կհասնեն Կովկասում մշտական խաղաղության։
«Հետևաբար, ես կարծում եմ, որ Հայաստանի և Ադրբեջանի, այդ թվում՝ քաղաքացիական հասարակության համատեղ ջանքերով մենք կհասնենք ոչ միայն երկարաժամկետ, այլև մշտական խաղաղության Կովկասում։ Սա մեր նպատակն է»,-ասել է Ալիևը։
