Ես եմ տարբեր մարդկանց մասին տարբեր բաներ ասել, տարբեր մարդիկ են իմ մասին տարբեր բաներ ասել, և Նոր Կտակարանում այսպիսի մի դրվագ կա, երբ փարիսեցիները և սադուկեցիները տեսան, որ մաքսավորների և մեղավորների հետ է նստում, սկսեցին նրա աշակերտներին մոտավորապես նույն հարցերը տալ, ինչը որ դուք եք տալիս, լրագրողների հետ զրույցում ասաց Նիկոլ Փաշինյանը՝ արձագանքելով հարցին, թե արդյո՞ք «Բենթլի Սամոյի» հետ է պատրաստվում բարենորոգել եկեղեցին։
«Երբ աշակերտներն այդ մասին ասացին Հիսուս Քրիստոսին, նա ասաց, թե առողջներին բժիշկ պետք չէ և անմեղների համար չեմ եկել, այլ՝ մեղավորների»։
Դիտարկմանը, թե չունի՞ մտավախություն, որ փաստաթուղթ ստորագրած եպիսկոպոսները հնարավոր է խախտել են այն նույն ուխտը, ինչում ինքը մեղադրում է Վեհափառին՝ Փաշինյանն արձագանքեց.
«Հանկարծ չստացվի, թե այդ սեղանի շուրջ նստած որևէ մեկին Հիսուսի դերակատարումն ենք վերապահում, մյուսներին՝ մեղավորի։ Ես եպիսկոպոսների մեջ նստում եմ որպես մեղավոր, իրենք նստում են որպես եպիսկոպոս»։
