Նախքան բանտարկությունը, «Սիսական» ջոկատի լեգենդար հրամանատար, բանաստեղծ Աշոտ Մինասյանը՝ Աշոտ Երկաթը, իր աջակցոթյունն է հայտնել Հայ առաքելական եկեղեցուն, Ամենայն Հայոց Կաթողիկոս Գարեգին Երկրորդին և բանտարկված ու գերության մեջ գտնվող ընկերներին։
«Ես Հայ Առաքելական Եկեղեցու հավատավոր զավակ եմ, սատարում եմ Հայ Առաքելական եկեղեցուն, իմ Վեհափառին՝ Գարեգին Երկրորդին, սատարում եմ ադրբեջանական և հայկական բանտերում գտնվող քաղաքական և ռազմական իմ ընկերներին։
Հայաստանի և Ադրբեջանի նպատակները նույնն են, այդ իսկ պատճառով բանտարակել եմ իմ զինակից ու քաղաքական բոլոր ընկերներին»,- ասում է Աշոտ Երկաթը՝ ռեժիսոր Հովհաննես Իշխանյանի հրապարակած տեսանյութում։
Հիշեցնենք, որ Աշոտ Մինասյանը նախօրեին տեղափոխվել է «Վարդաշեն» քրեակատարողական հիմնարկ։ Իսկ այսօր փաստաբան, իրավապաշտպան Ռուբեն Մելիքյանը մանրամասնել է լեգենդար հրամանատարի՝ ՔԿՀ տեղափոխելու հանգամանքը. «2021 թվին վերաբերող ինչ-որ շինծու գործով առաջին ատյանի դատարանը Աշոտ Երկաթին դատապարտել էր 2 տարվա ազատազրկման, բայց «պայմանական» էր տվել, այսինքն վճռել էր, որ պատիժը պետք է պայմանականորեն չկիրառվի։ Հետո դատախազը բողոքել էր վերաքննիչ դատարան, ու «պայմանական»-ի մասը բեկանվել էր - պիտի պատիժը ռեալ կիրառվեր։ Հետո պաշտպանը դիմել էր վճռաբեկ դատարան, բայց գործը վարույթ չէին ընդունել»։
