«Զանգեզուր» պղնձամոլիբդենային կոմբինատի չշահագործվող տեղամասի կիսաքանդ հատվածում բռնկված հրդեհը մեկուսացվել է ժամը 19։50-ին, մարվել՝ 21։15-ին։ Այս մասին հայտնում են Փրկարար ծառայությունից։
Նշվում է, որ այրվել են տանիքի փայտե կառուցատարրերը (մոտ 300 քմ) և 3 չշահագործվող հաստոց:
Հրշեջ-փրկարարներին հաջողվել է կանխել հրդեհի տարածումը դեպի մոտակա շինություններ։
Հիշեցնենք՝ նոյեմբերի 29-ին՝ ժամը 19։07-ին Սյունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ հրդեհ է բռնկվել Զանգեզուրի պղնձամոլիբդենային կոմբինատի արտադրական շինության տարածքում։
Հրդեհի բարդության «Թիվ 2» կանչով դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից վեց մարտական հաշվարկ և երկու օպերատիվ խումբ։
