Արամուսում և Զովաշենում սպանված 4 անձանցից մեկը՝ Մարինե Հայրապետյանը, Ռոստովում ապրող հայ էնդոկրինոլոգ էր։ Նա և ամուսինը արձակուրդի ժամանակ հայրենիք էին եկել, հաղորդում է SHOT-ը։
44-ամյա Մարինե Հայրապետյանը և նրա 46-ամյա ամուսինը ճանապարհին կանգ էին առել Կոտայքի Զովաշեն գյուղի մոտակայքում գտնվող տաղավարում, երբ արդեն 2 հոգու սպանած տղամարդը հայտնվել է և պահանջել նրանց մեքենայի բանալիները։ Երբ մերժել են, նա հանել է որսորդական հրացանը, կրակել զույգի վրա և հեռացել՝ թողնելով նրանց մարմինները տաղավարում։
61–ամյա Թ. Խ.-ն մինչ այդ սպանել էր Արամուս գյուղի իր հարևաններին՝ կենցաղային հարցերի պատճառով։
Մարինե Հայրապետյանը 21 տարվա աշխատանքային փորձ ունեցող բժիշկ էր և 2022 թվականի տվյալներով 3–րդն էր Ռոստովի մարզի էնդոկրինոլոգների շարքում։ Նա 15-ամյա դուստր ունի։
