Կրեմլն ուշադիր հետևում է Հայաստանում «Տաշիր» ընկերությունների խմբի ղեկավար Սամվել Կարապետյանի ձերբակալության հետ կապված իրավիճակին և պատրաստ կլինի նրան ցուցաբերել անհրաժեշտ օգնություն, ասել է ՌԴ նախագահի մամուլի քարտուղար Դմիտրի Պեսկովը։
«Իհարկե, մենք մշտադիտարկում ենք, մեզ համար նա Ռուսաստանի քաղաքացի է, մենք չենք ուզում խառնվել Հայաստանի ներքին գործերին, բայց մենք, իհարկե, ամենից ուշադիր հետևում ենք այն ամենին, ինչ կապված է ՌԴ քաղաքացու հետ»,- լրագրողներին ասաց Պեսկովը։
«Անհրաժեշտության դեպքում, իհարկե, Ռուսաստանը պատրաստ կլինի ողջ անհրաժեշտ օգնությունը տրամադրել Սամվել Կարապետյանին»,- նշել է Պեսկովը։
