Երեւան–Գյումրի գնացքի տակ երեկ ընկած 14–ամյա Մարտինը դեպքի պահին ականջակալներով է եղել։ Այս մասին NEWS.am–ին հայտնեցին Ջրառատի բնակիչները։
Մարտինը 2023թ–ի սեպտեմբերի ընտանիքի հետ բռնի տեղահանվել է Մարտակերտից եւ բնակություն հաստատել Արմավիրի Ջրառատ համայնքում։
«Ասում են՝ ականջակալներով է եղել, երեւի սիրել է ռելսերին նստի... շատ խելոք տղա էր, լավ ընտանիք ուներ»,– ասաց բնակիչներից մեկը։
«Ամեն մեկը մի բան ասում է, մեկն ասում է՝ ականաջակալներով է եղել, չի լսել, մյուսն ասում է՝ գծերին նստած է եղել։ Վարորդն ասել է՝ հասել եմ իրեն, գցել է տակը, չեմ հասցրել կանգնել, ամեն մեկը մի բան է ասում, որ չենք տեսել, հստակ չգիտենք»,– ասաց մեկ էլ համագյուղացի։
Նշենք, որ դեպքով նախաձեռնվել է քրեական վարույթ, գնացքավարը ձերբակալվել է։
