Քանի որ իմպիչմենտը ենթադրում է նաև վարչապետի միասնական թեկնածուի հարցի վերաբերյալ ընդհանուր մոտեցման ձևավորում, կարծում եմ՝ իմպիչմենտի նախաձեռնության նպատակն այն է, որ ընդդիմությունը մեկ անգամ ևս փորձի միավորել իր ջանքերը և այս պահին քննարկի այդքան կարևոր հարցը՝ ով կարող է լինել վարչապետի միասնական թեկնածու, լրագրողների հետ հանդիպմանն ասաց Արդարադատության նախկին նախարար, ԱԺ նախկին պատգամավոր Դավիթ Հարությունյանը։
«Դա այս պահին, իմ կարծիքով, այլ նպատակ չի հետապնդում»,- ասաց Հարությունյանը։
Նա ասաց, թե գործընթացն անխուսափելի է։
«Եթե նպատակը սկսում ենք հասկանալ, ապա հիասթափության մասին խոսք լինել չի կարող»,- նշեց Դավիթ Հարությունյանը։
