«Այս իշխանությունները չեն անում այն, ինչ ներկայացված է 2021 թվականի իրենց ծրագրում, երբ Արցախի մի մասն արդեն հանձնված էր»,- ԱԳՆ-ն դիմաց արցախցիների ակցիայի ժամանակ ասաց Նարե Սիմոնյանը։
Նա նշեց, որ այս իշխանությունը ծրագրում ներկայացում էր, հերթական անգամ ստելով ու մանիպուլացնելով, որ պատրաստվում են դեօկուպացնել Հադրութն ու Շուշին։
«Հայկական դիվանագիտությունը ծառայեցվում է իրենց քմահաճույքներին, ոչ թե հայկական շահին։ Պետք է խոսենք այս ամենի մասին ու պահանջենք, որ եթե ոչ մի կերպ չեն բարձրաձայնում Արցախի հետ կապված խնդիրների մասին՝ հավաքական վերադարձի իրավունքի, գերիների մասին, ուրեմն պետք է հարթակ ստեղծեն, որ արցախցիներին իրենց իրավունքների համար պայքարեն»,- ասաց Ն.Սիմոնյանը։
Նա նշեց, որ քայլեր չեն ձեռնարկվում գերիների վերադարձի համար։
«Տեսնում ենք, որ Ռուբեն Վարդանյանը Բաքվի բանտից շատ ավելի համարձակ է խոսում, շատ ավելի կարևոր, հայկական թեմաների մասին է բարձրաձայնում, քան Նիկոլ Փաշինյանն ու Արարատ Միրզոյանը»,- ասաց Ն.Սիմոնյանը։
Ըստ նրա, գերիների վերադարձի հարցը պետք է լինի խաղաղության կամ որևէ բանակցության ոչ թե մաս, այլ նախապայման։
Ակցիայի մասնակիցներն ԱԳՆ դիմաց այրեցին իշխանության 2021-ի նախընտրական ծրագրով փաստաթուղթը։
