«Kia Sportage»-ը շրջվել է. վարորդն ու անչափահաս ուղևորը տեղափոխվել են հիվանդանոց

Այսօր՝ ապրիլի 2-ին, ավտովթար է տեղի ունեցել Երևանում: «Kia Sportage» մակնիշի ավտոմեքենան դեռևս անհայտ հանգամանքներում դուրս է եկել երթևեկելի գոտուց, բախվել բազալտե եզրաքարին, ապա հողաթմբին և գլխիվայր շրջվելով՝ հայտնվել հետիոտնի համար նախատեսված մայթին:
 
Shamshyan.com-ի տեղեկություններով,  վթարի հետևանքով վարորդն ու նրա անչափահաս ուղևորը մարմնական վնասվածքներով տեղափոխվել են հիվանդանոց: 
 
Ֆոտոլրագրողը հայտնում է, որ վարորդը ենթարկվել է սթափության փորձաքննության, եղել է սթափ։ Նա և ուղևորը եղել են ամրակապված, ինչի շնորհիվ ավտոմեքենայից դուրս չեն հայտնվել: