Ռուսաստանում դատարանը Կրասնոյարսկի երկրամասի Զելենոգորսկ քաղաքի 31-ամյա բնակչի համար նշանակել է 300-ժամյա հասարակական աշխատանք՝ իր դստերը մեքենայի պատուհանից դուրս պահած վարելու համար, հայտնում է life.ru-ն։
Դատարանը նվազագույն պատիժ է նշանակել, քանի որ տղամարդն ամբողջովին ընդունել է մեղքը և զղջացել կատարվածի համար։
Հիշեցնենք, որ համացանցում տեսանյութ էր հայտնվել, որում տղամարդը մեքենա է վարում՝ մի քանի ամսական երեխային մեքենայի պատուհանից դուրս պահած։ Սա առաջացրել էր օգտատերերի և լրատվամիջոցների վրդովմունքը։
Հաղորդվում է, որ սկզբում տղամարդը հայտարարել է, թե կադրերում պատկերված է տիկնիկ, հետո խոստովանել էր, որ այդ երեխան իր դուստրն է։
