ԱԺ «Պատիվ ունեմ» խմբակցության պատգամավոր Տիգրան Աբրահամյանը «խաղաղության պայմանագրի» ստորագրման պատրաստակամության մասին ԱԳՆ-ի հայտարարությունից հետո գրել է․
«Արդեն պարզ է, թե ինչու էր կառավարության միջանցքներում ԱԳ նախարարի կարգավիճակ ունեցողը, ձեռքը գրպանը դրած, ինքնագոհ, կիսասպառնալից, մուննաթով ու հեգնանքով խոսում մեր գործընկեր լրագրողների հետ:
Հանձնարարությունը գերազանց կատարել են, ադրբեջանական նախապայմաններն ու հոխորտանքներն՝ ընդունել ու գոհ-գոհ ման են գալիս:
Դե, մի քանի օր առաջ էլ լավ նորություններով իրենց թուրք լրագրողների հետ կիսված կլինեն, հո թաքցնելու բան չունե՞ն, հո հայ հասարակությու՞նը չի, որ վերջին պահին իմանա գլխին եկողը»:
