Ողբերգական դեպք․ հիվանդանոց տեղափոխվելու ճանապարհին կինը ծննդաբերել է երեխային մահացած վիճակում


Ողբերգական դեպք․ հիվանդանոց տեղափոխվելու ճանապարհին կինը ծննդաբերել է երեխային մահացած վիճակում
Մարտ 5 19:09 2025
SHAMSHYAN.com-ի տեղեկություններով՝ երեկ՝ մարտի 4-ին, ողբերգական դեպք է տեղի ունեցել Արագածոտնի մարզում։ Ժամը 09։05-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության տարածքային բաժիններից մեկում տեղեկություն է ստացվել, որ ժամը 07։20-ի սահմաններում հարազատների կողմից հիվանդանոց է ընդունվել նորածնի դի։

Shamshyan-ի հաղորդմամ՝բ բժիշկներին երեխայի մայրը հայտնել է, որ ինքը ծննդաբերել է ճանապարհին և պտուղը ծնվել է մահացած:

Հիվանդանոց մեկնած ոստիկանները պարզել են, որ նույն օրը՝ ժամը 07։00-ի սահմաններում, ծննդկանը 35 շաբաթական հղիությամբ մարզի գյուղերից մեկից՝ իրենց տնից սեփական ավտոմեքենայով հիվանդանոց տեղափոխվելու ճանապարհին ծննդաբերել է արական սեռի երեխա՝ մահացած վիճակում:

Դեպքի փաստով ոստիկանություն տարածքային բաժնում փաստաթղթեր են կազմվել, որոնք փոխանցվել են ՀՀ քննչական կոմիտեի Արագածոտնի մարզային քննչական վարչություն։


Ավելին՝ սկզբնաղբյուրում։