Լոնդոնի մետրոյում պայթյուն է տեղի ունեցել, որի հետևանքով որոշ ուղևորներ ստացել են դեմքի այրվածքներ: Այդ մասին հայտնում է Reuters գործակալությունը՝ վկայակոչելով բրիտանական լրատվամիջոցներին:
Ոստիկանությունը հայտնել է, որ իրենք տեղյակ են Արևմտյան Լոնդոնում Փարսոնս Գրին կայարանում տեղի ունեցած միջադեպի մասին, և իրենց աշխատակիցները դեպքի վարում են:
Ոստիկանությունը հայտնել է, որ տեղյակ է սոցիալական մեդիաներում տարածված հաղորդագրություններից և կհրապարակի միջադեպի վերաբերյալ փաստեր դրանք ճշտելուց հետո:
Դեպքի վայր են ժամանել ոստիկանական ուժեր, այդ թվում՝ զինված սպաներ, ինչպես նաև շտապօգնության մեքենաներ, չնայած նրանցից ոչ ոք լրացուցիչ մանրամասներ չի հայտնել միջադեպի մասին:
