ՔՊ-ական պատգամավոր Հայկ Սարգսյանը քաղաքացիներին կոչ է անում չխաղալ ու դուրս գալ վիրտուալ մոլախաղերից։
«Դա տանում է կործանման։ Որևէ մեկը չի կարող գումար վաստակել՝ ինտերնետ շահումով խաղերում գումար վատնելով, դա բացառված է»,- ԱԺ-ում այս մասին հայտարարեց նա։
Սարգսյանը երկար տարիներ ուսումնասիրել է ոլորտը․ բազմաթիվ քաղաքացիներ միլիոնավոր դրամներ ու դոլարներ վատնում են մոլախաղերում, հասնում սննկացման, կորցնում գույքը, բնակարանը, հախաճ՝ իրենց կյանքը։
«Կործանում են իրենց ընտանիքները, հաճախ ամուսնալուծվում են։ Մենք պետք է կոչ անենք չտրվել վիրտուալ մոլախաղերին ու իրենց կյանքը չվատնել այստեղ»,- ընդգծեց պատգամավորը։
Նշենք, որ Հայկ Սարգսյանը ներկայացրել է «Հայաստանի Հանրապետության հարկային օրենսգրքում փոփոխություններ և լրացումներ կատարելու մասին» օրենքի նախագծերի փաթեթը:
Նախագծով առաջարկվում է առկա հարկերից և տուրքերից բացի՝ ոլորտը հարկել 10 տոկոս շրջանառության հարկով: Սա նշանակում է խաղային հաշվին լիցքավորված 100 հազար դրամից պետք է հարկվի 10 հազար դրամը:
Հիմնավորվում է, որ ոլորտի շրջանառությունը 2023 թվականին հասել է 6.5 տրիլիոնի՝ վերջին տասը տարում աճելով ավելի քան 440 անգամ:
Մինչդեռ, շրջանառության ծավալի և վճարված հարկերի հարաբերակցությունը նվազել է ավելի քան 14 անգամ:
