«Ես հիմա քննչականում եմ, քննչական գործողություններ են իրականացվում, չգիտեմ՝ ով կարող է լինել, ոչ մի կասկածանք չունեմ»,- News.am-ին հայտնել է ԱԺ «Հայաստան» խմբակցության պատգամավոր Գառնիկ Դանիելյանը՝ իր մեքենան թալանելու և այրելու փորձի մասին։
«Քաղաքական մարդ եմ, քաղաքական գործ եմ անում, իմ ֆեյսբուքյան էջում որ նայում ես, 100 հատ էլ սպառնալիք կարող է լինի: Որ ժամանակին սպառնալիքներ հնչեցնողների հետևից գնային, գուցե այսօր այս դեպքը տեղի չունենար»,-ասել է նա:
Գառնիկ Դանիելյանը նշել է, որ մեքենայից թանկարժեք պահեստամաս են գողացել, նաև այրված մասեր կան, միգուցե փորձել են նաև հրկիզել մեքենան:
Ավելի վաղ հայտնել էինք, որ թալանել և փորձել են հրկիզել պատգամավոր Գառնիկ Դանիելյանի մեքենան:
