«Ազգակործան պատուհաս ու կապիտուլյանտ Փաշինյանը, ապարդյուն փորձեր կատարելով իր վրայից մաքրել հողատուի պիտակը, նախկին նախագահներին առաջարկել էր մասնակցել բանավեճի։ Նախկին նախագահները հստակ պատասխալել էին նրան՝ ուղարկելով տարբեր տեղեր»,- գրել է ՀՀԿ ԳՄ անդամ Էդուարդ Շարմազանովը։
Նա հիշեցրել է, որ դեռևս 2022-ի ապրիլի 23-ին Սերժ Սարգսյանը պնդել է, որ Փաշինյանը հրապարակի նախկինում բանակցված փաստաթուղթը։
«Երկու օր առաջ նախագահ Տեր- Պետրոսյանն առաջարկեց Փաշինյանին հրապարակել Մինսկի խմբի համանախագահների կողմից 1994-ից մինչեւ 2019-ը արված պաշտոնական առաջարկներն ու ՀՀ իշխանությունների պաշտոնական պատասխանները։
Դրանից հետո տարբեր գործիչներ ցանկանում են ճշտել նաևՀՀ երրորդ նախագահ Սերժ Սարգսյանի կարծիքն այս առաջարկի վերաբերյալ։
Հիշեցնեմ, որ դեռևս 2022-ի ապրիլի 23-ին լրագրողների հարցին ի պատասխան Սերժ Սարգսյանն ասել է. «Բոլոր էդ փաստաթղթերը կան։ Դուք պահանջեք Նիկոլ Փաշինյանից, թող հրապարակի, թե 2019-ը թվականին իրեն ի՞նչ են առաջարկել և ընդհանրապես իր համար ո՞րն է նշաձողը»։
Անցել է 2,5 տարի, բայց Փաշինյանն այդպես էլ որևէ փաստաթուղթ չի հրապարակել։
Փոխարենը ղալմաղալի ու լաչառության ժանրի անկապ ելույթներ է ունենում։
Հրապարակո՞ղ էր, թող հրապարակեր»,- գրել է Էդուարդ Շարմազանովը։
