Ճիշտ կլինի, որ սահմանազատման գործընթացն ամբողջ սահմանով ավարտվի, լրագրողների հետ զրույցում ասաց Սյունիքի մարզպետ Ռոբերտ Ղուկասյանը։
«Այնտեղից, որտեղից պետք է ադրբեջանցիները հետ գնան՝ կգնան, ու, ի վերջո, սահմանը պետք է սահմանագծվի։ Այդպես պետք է լինի, ինչ կարևոր է՝ հավատո՞ւմ ենք դրան, թե՞ ոչ»,-հավելեց նա։
Անդրադառնալով Սյունիքի համայնքապետերի հետ հարաբերություններին՝ Ղուկասյանն ասաց, որ բոլորի հետ էլ ջերմ, աշխատանքային հարաբերություններ ունի.
«Իրականում Սյունիքում ներդրումներն աննախադեպ են ու շատ։ Անհրաժեշտ է համակարգված, միասնական աշխատանք։ Այստեղ անձնական հարաբերությունների պատճառով տուժելու է ողջ մարզը։ Բոլորս էլ գիտենք, որ Ներքին Հանդում ունենք խնդիր, սակայն բոլորս էլ հույս ունենք, որ սահմանազատման արդյունքում դա կլուծվի»։
