Հոկտեմբերի 29-ին Բարձրագույն դատական խորհուրդը Վերաքննիչ քրեական դատարանի դատավորի պաշտոնի թափուր տեղի համար առաջարկել էր ՍԴ դատավոր Հրայր Թովմասյանի գործը քննած Տաթևիկ Գրիգորյանի թեկնածությունը։
ԲԴԽ-ն Երևանի առաջին ատյանի ընդհանուր իրավասության քրեական դատարանի դատավոր Տաթևիկ Հրաչի Գրիգորյանի թեկնածությունը նախագահին էր առաջարկել։
Այսօր Վահագն Խաչատուրյանը ստորագրել է նրան նոր պաշտոնում նշանակելու մասին հրամանագիրը։
«Հիմք ընդունելով Սահմանադրության 139-րդ հոդվածի 1-ին և 166-րդ հոդվածի 6-րդ մասերը, ինչպես նաև Բարձրագույն դատական խորհրդի 2024 թվականի հոկտեմբերի 29-ի ԲԴԽ-101-Ո-227 որոշմամբ ներկայացված առաջարկությունը, Տաթևիկ Գրիգորյանին նշանակել վերաքննիչ քրեական դատարանի դատավոր»,- նշված է Խաչատուրյանի տորագրած հրամանագրում։
