Բոլոր ուղղությոններով իրավիճակը մեր համար արդեն պարզ է, Հանրային հեռուստաընկերության եթերում հայտարարեց ՀՀ քննչական կոմիտեի նախագահ Արգիշտի Քյարամյանը` պատասխանելով հարցին` ինչքանո՞վ է հաջողվել ամբողջացնել պատերազմում պարտության պատճառները:
«Գրեթե վերջնական փուլում ենք գտնվում, բոլոր ուղղություններով իրավիճակը մեր համար արդեն պարզ է, հիմնական քննությունն արդեն արված է, բոլոր ուղղություններով մեր տեսանկյունից ունենք իրական պատկեր»,- ասաց նա:
ՔԿ նախագահի խոսքով` 600-ից ավելի անձի վերաբերյալ մեղադրական եզրակացությամբ դատարան ուղարկված դեպքեր կան:
«Շուրջ հարյուրի վերաբերյալ էլ քննարկումներ են ընթանում գործերն ավարտելու ու դատարան ուղարկելու վերաբերյալ: Մենք այս հարցին վերաբերվել ենք ոչ թե քրեական գործերի, այլ նաև շատ ենք կարևորել այց քրեական վարույթների պատմական արժեքը, փորձել ենք հնարավորինս օբյեկտիվ անդրադառնալ բոլոր դրվագներին: Կան մարտական գործողություններ, որոնց ընթացքին մենք անդրադարձել ենք մինչև ցանկացած շարքային զինծառայողի հարցաքննելու մակարդակով, շուրջ 2000 հատոր է կազմում գործերի ընդհանրական քանակը»,- ասաց Քյարամյանը:
