«Իրավունք» օրաթերթը գրում է. «Արցախի ներկայացուցչության մոտ Արցախի նախկին ԱԽՔ Սամվել Բաբայանի աջակիցների կողմից հրավիրված հավաքը երեկ կատարյալ ֆիասկո ապրեց: Հավաքվել էին ընդամենը տասնյակ արցախցիներ, ինչն ի ցույց դրեց, որ սամվելբաբայանական թեզերը կա՛մ լայն տարածում չեն գտնում, կա՛մ նրան, պարզապես, վստահողներ չկան:
Մինչդեռ ակցիայի նախաձեռնող Յուրի Մուսայելյանը ներկայացուցչության դիմաց պահանջել է, թե պետք է կոմիտե ստեղծվի, եւ Սամվել Բաբայանն ունենա գործելու մանդատ:
«Պահանջում ենք՝ պարոն Բաբայանը մի մանդատ ստանա, թեկուզ այդ կոմիտեն ստեղծեն, լիազորություն տան, ու այդ մարդն իրա գաղափարներն օգտագործի»,-ասել է նա՝ պնդելով, որ Հայաստանի Հանրապետության կառավարությունն էլ պետք է դրան աջակցի։
Ըստ արցախյան աղբյուրների` հենց այստեղ է թաղված ողջ ճշմարտությունը: Չար լեզուներն ասում են, որ Բաբայանի հույսը Նիկոլից աջակցություն ստանալն է, այլ ոչ թե` արցախցիներից: Արդյունքում՝ չի հաջողվել աջակցություն ստանալ ե՛ւ մեկից, ե՛ւ մյուսից»:
Ավելին՝ օրաթերթի այսօրվա համարում։
