Խաբարովսկ-Նախոդկա մայրուղու վրա գրանցվել է հայ տղամարդու ողբերգական մահ։ Դեպքի տեղի է ունեցել այն ժամանակ, երբ նա փորձել է նստել չինական բեռնատարի ղեկին՝ հայտնում է rusarminfo-ն։
«Երբ 45-ամյա տղամարդը փորձել է բարձրանալ բեռնատարի վարորդական խցիկ, նրան հարվածել է ընտանեկան զույգի միկրոավտոբուսը»,-հայտնում է Պրիմորյեի «Գուբերնիա» թերթը։
Դեպքից կարճ ժամանակ առաջ բեռնատարը փչացել էր, և վարորդն օգնության էր կանչել գործընկերոջը՝ մեքենան քարշակելու համար։ Ողբերգությունը տեղի է ունեցել այն ժամանակ, երբ բեռնատարներն իրար կցելով՝ վարորդները փորձել են ղեկին նստել։
Ինքնաթափի վթարային լուսային ազդանշանը միացված է եղել, սակայն բեռնատարի հետևի ցեխի շերտը դժվար նկատելի է դարձրել լույսերը։
Հայաստանում վարորդն ունի հղի կին և 4 երեխա։ Մեկ ամսից նա պատրաստվում էր վերադառնալ հայրենիք՝ ներկա գտնվելու 5-րդ երեխայի ծննդին։
