Այսօր՝ հուլիսի 24-ին, խոշոր ավտովթար է տեղի ունեցել Կոտայքի մարզում: Ժամը 17:20-ի սահմաններում «ԶԻԼ» մակնիշի ավտոմեքենան, որը բեռնված է եղել մոտ 15 տոննա շինանյութով, Երևան-Սևան ավտոճանապարհի «Չայնիի» ոլորանների սկզբնամասում, դեռևս անհայտ հանգամանքներում, դուրս է եկել երթևեկելի գոտուց, բախվել հողաթմբին և կողաշրջվել:
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների, բարեբախտաբար տուժածներ չկան:
Դեպքի վայր են ժամանել ՀՀ Ներքին գործերի նախարարության փրկարար ծառայության հատուկ նշանակության փրկարարական աշխատանքների իրականցման կենտրոնի հերթապահ խումբը և Աբովյանի թիվ 45 հրշեջ-փրկարարակնա ջոկատի փրկարարները:
Օպերատիվորեն ժամանել են նաև ՀՀ ՆԳՆ ոստիկանության պարեկային ծառայության Կոտայքի մարզի գումարտակի 2-րդ վաշտի 1-ին դասակի պարեկները՝ գումարտակի հրամանատարի տեղակալ Լևոն Բադալյանի, գումարտակի ծառայության տեսուչ Կառլեն Բաղյանի, վաշտի հրամանատար Դավիթ Հովհաննիսյանի և նույն գումարտակի 2-րդ վաշտի 1-ին դասակի հրամանատար Սեկոյանի գլխավորությամբ:
Առավել մանրամասն՝ սկզբնաղբյուր կայքում։
![](/banners/armflix/1.png)
Ավտովթար՝ Կոտայքի մարզում. մի քանի տոննա շինանյութով բարձված «ԶԻԼ»-ը բախվել է հողաթմբին և կողաշրջվել
![Ավտովթար՝ Կոտայքի մարզում. մի քանի տոննա շինանյութով բարձված «ԶԻԼ»-ը բախվել է հողաթմբին և կողաշրջվել](/storage/posts/July2024/hd0RfhPm5YJnK1fvtFkG.webp)