Ադրբեջանի Շեմախի քաղաքում որդին կացնահարել է հորը, ինչի հետևանքով 70-ամյա տղամարդը մահացել է։ Այս մասին հայտնում է ադրբեջանական ԱՊԱ գործակալությունը:
1971թ.-ին ծնված Քադիր Ջահանգիրովի և նրա հոր՝ Արիֆ Ջահանգիրովի միջև վեճ է տեղի ունեցել, որից հետո որդին կացնով մահացու հարվածներ է հասցրել հորը:
Տուժածը հոսպիտալացվել է, սակայն բժիշկներին չի հաջողվել փրկել նրա կյանքը:
Նախնական տվյալների համաձայն՝ Քադիր Ջահանգիրովը հանցանքի պահին գտնվել է ալկոհոլի ազդեցության տակ:
Դեպքի առնչությամբ հարուցվել է քրեական գործ:
