Ինձ «խալաստոյ» լսել են, քննել են, ներխուժել են անձնական ու քաղաքական կյանք, 8 տարվա զանգերս են վերծանել, ոչ մեկիդ մասին պետությունն այնքան տեղյակ չէ, որքան ինձանից, այսինքն, ստացել են ինֆորմացիա, որը բացարձակապես կապ չունի այս գործի հետ։ Այս մասին դատական նիստին հայտարարել է ՀՀԿ փոխնախագահ Արմեն Աշոտյանը՝ նշելով, որ սա կոպտագույն խախտում է։
«Ինձ վերագրվող հանցանքը՝ առանց իմ մասնակցության արձանագրվել է որպես իմ կալանքի հիմք, փաստաբանս դիմել է և ասել, որ պատրաստ եմ առերեսման, բայց դա տեղի չի ունեցել, ինչի՞, ինչի՞ է մերժվել այս պահանջը»,-ասել է նա։
