Ռուսաստանի Դաշնության արտաքին գործերի նախարարությունը հայտարարություն է տարածել՝ մանրամասներ ներկայացնելով նախօրեին տեղի ունեցած ՌԴ արտաքին գործերի նախարար Սերգեյ Լավրովի և ՀՀ արտաքին գործերի նախարար Արարատ Միրզոյանի հեռախոսազրույցից:
«Արտաքին քաղաքական գերատեսչությունների ղեկավարները քննարկել են երկկողմ և տարածաշրջանային օրակարգի արդիական հարցերը, այդ թվում՝ հայ-ադրբեջանական կարգավորման գործընթացը, ինչպես նաև փոխգործակցությունն ընդհանուր ինտեգրացիոն միավորումների շրջանակում», - նշված է ՌԴ ԱԳՆ-ն պաշտոնական հաղորդագրությունում։
Ավելի վաղ Հայաստանի արտաքին գործերի նախարարությունը հայտնել էր, որ ռուսական կողմի նախաձեռնությամբ մարտի 5-ին տեղի է ունեցել հեռախոսազրույց ՀՀ ԱԳ նախարար Արարատ Միրզոյանի և ՌԴ ԱԳ նախարար Սերգեյ Լավրովի միջև:
ՀՀ ԱԳՆ հաղորդագրության համաձայն՝ զրուցակիցները քննարկել են երկկողմ և տարածաշրջանին վերաբերող հարցեր:
