Նոր սահմանադրության գործընթացը արյուն է ստանալու, եթե Ալիևը առաջիկայում նոր ավանտյուրա չպլանավորի


Նոր սահմանադրության գործընթացը արյուն է ստանալու, եթե Ալիևը առաջիկայում նոր ավանտյուրա չպլանավորի
Փետրվար 10 20:41 2024

«Արդար Հայաստան» կուսակցության ղեկավար, փաստաբան Նորայր Նորիկյանը գրում է․

«Գրեթե կասկած չունեմ, որ այսօրվա մեր հասարակությանը միավորող ու մոտիվացնող գաղափարը պետք է դառնա իրական պետականաշինության գործընթացը՝ հիմքում ունենալով ՀԱՅԿԱԿԱՆ ՊԵՏՈՒԹՅԱՆ ձևավորման փիլիսոփայությունը․․․

Դատելով ընթացող քաղաքական գործընթացների տրամաբանությունից՝ արդեն իսկ պարզ է, որ առաջիկա ժամանակաշրջանում նոր սահմանադրության ընդունման գործընթացը միս ու արյուն է ստանալու, եթե, իհարկե, Ալիևը տարածաշրջանում այլ խաղացողների շահագրգռվածությամբ նոր օրակարգ գեներացնելու ավանտյուրա չպլանավորի։

Առաջիկայում մենք մեր խնդիրն ենք համարելու առավել ինտենսիվորեն խոսել սահմանադրական իրավունքից՝ համոզմունքով, որ այն իրական պայմաններ պետք է ստեղծի քաղաքացիական հաշտության ու համաձայնության համար, որն այսօր մեզ այդքան անհրաժեշտ է։

Մեր երկրում պետք է գերակայի սահմանադրականության գաղափարաբանությունը, և մենք պետք է մեր երկրի զարգացման հունը ապահովենք բացառապես սահմանադրական կարգով, որի վրա պետք է հիմնված լինի ինքնիշխան, ժողովրդավարական, սոցիալական, իրավական պետության կառուցման գործընթացը։

Պետության ու ժողովրդի անվտանգությունը, բարեկեցությունն ու արժանապատիվ կենսակերպի ապահովումը հնարավոր կլինի միայն սահմանադրականության փիլիսոփայության հաղթանակով․․․

Հայաստանում օրենքի առաջ բոլորը պետք է հավասար լինեն, և որևէ արտոնյալ խավ ու շերտ չպետք է խուսափի օրենքի առաջ պատասխանատվությունից․․․

Պետության քայքայումն ու կոռոզիան սկսվում է պատասխանատվության ինստիտուտի բացակայությամբ ու օրենքների չգործելու հետևանքով․․․»։ 



loading...