Մենք բազմիցս ասել ենք, որ ոչ մի պատերազմ չենք սկսի, բայց եթե անարդար երկիրը կամ ուժը ցանկանա վախեցնել մեզ, Իրանի Իսլամական Հանրապետությունը վճռականորեն կպատասխանի, ասել է Իրանի նախագահ Էբրահիմ Ռաիսին:
«Իրանի Իսլամական Հանրապետության զինված ուժերը տարածաշրջանում վտանգ չեն ներկայացնում որևէ երկրի համար, բայց անվտանգության աղբյուր են, և տարածաշրջանի երկրները կարող են հույս դնել այդ ուժի վրա»,– ասել է նա:
Ռաիսին ասել է, որ Իրանի Իսլամական Հանրապետության պաշտպանության ուժերը երկրին զսպող ուժ են տվել՝ միաժամանակ ընդգծելով, որ տարածաշրջանում Իրանի ռազմական հնարավորությունները ոչ մի երկրի համար վտանգ չեն ներկայացնում և չեն էլ կարող ներկայացնել։
