Կա մի կոչում, որը Հայաստանում պարտադիր պետք է սահմանվի․ դա «վաստակավոր սուտասան»-ի կոչումն է։
ԱԺ հայտարարությունների ժամին նման միտք հնչեցրեց «Պատիվ ունեմ» խմբակցության ղեկավար Հայկ Մամիջանյանը։
Ընդդիմադիր պատգամավորը բացատրեց, թե ով կարող է արժանանանալ «վատակավոր սուտասան» կոչմանը։
«Մի մարդ, ով իշխանության գալով խոստացավ բանակցությունները զրոյական կետից սկսել, իսկ մինչև հիմա այդ հարցում մեղադրում է նախկիններին։ Գուցե այն մարդը, ով ասեց Արցախը Հայաստան է ու վերջ, իսկ դրանից մի քանի տարի անց Արցախը ճանաչեց Ադրբեջանի մաս։
Գուցե այն մարդը, որը խոսում էր արցախցիների իրավունքներից և անվտանգությունից, իսկ հետո նրանց բախտի քմահաճույքին թողեց։ Կամ այն մարդը, որը խոստացավ արագաչափերը վերացնել, բայց իշխանության գալով դրանց թիվը շեշտակի ավելացրեց»,- թվարկեց Մամիջանյանը։
