Շարունակելով ընթերցողների ուշադրությանը ներկայացնել պետական պաշտոնյաների և դիվանագետների եկամուտների և գույքի հայտարարագրերը՝ այսօր կանդրադառնանք արտերկրում հավատարմագրված ՀՀ արտակարգ և լիազոր դեսպաններին:
Դիցուք՝ Կատարի պետությունում ՀՀ արտակարգ և լիազոր դեսպան Արմեն Սարգսյանը հայտարարագրել է բնակարան և այգետնակ, TOYOTA մակնիշի ավտոմեքենա, 5,000.00 ԱՄՆ դոլարի բանկային ավանդ, բանկային հաշիվների մնացորդը կազմել է 6,000.00 ԱՄՆ դոլար, հաշվետու տարվա եկամուտը՝ 3,255.00 ԱՄՆ դոլար։
Կանադայում ՀՀ դեսպան Անահիտ Հարությունյանը հայտարարագրել է SUZUKI մակնիշի ավտոմեքենա, բանկային հաշիվների մնացորդը կազմել է 38,700.00 ԱՄՆ դոլար, հաշվետու տարվա եկամուտները՝ 41,968.00 ԱՄՆ դոլար:
Իտալիայում ՀՀ դեսպան Ծովինար Համբարձումյանը հայտարարագրել է երկու բնակարան, հաշվետու տարվա եկամուտները կազմել են 42,721.00 ԱՄՆ դոլար, 1,424,661.70 ՀՀ դրամ և 378.66 ԱՄՆ դոլար:
Բուլղարիայում ՀՀ դեսպան Արմեն Եդիգարյանը հայտարարագրել է բնակարան և ավտոտնակ,2,052.00 դոլարի արժեթուղթ, 10,699.00 ԱՄՆ դոլարի բանկային ավանդ, եկամուտները կազմել են 26,844.00 եվրո:
Չեխիայում ՀՀ դեսպան Աշոտ Հովակիմյանը հայտարարագրել է բնակարան, բանկային ավանդները կազմել են 100,000.00 ԱՄՆ դոլար, բանկային հաշիվների մնացորդը կազմել է 233,041.00 ՀՀ դրամ, 40,168.00 չեխական կրոննա, կանխիկ գումարը՝ 3,445.00 ԱՄՆ դոլար և 6,000.00 չեխական կրոննա: Եկամուտները կազմել են 41,380.00 ԱՄՆ դոլար և 2,435,564.00 ՀՀ դրամ։
Շվեդիայում ՀՀ դեսպան Աննա Աղաջանյանի հայտարարագիրը կարող եք տեսնել ստորև․
Ինդոնեզիայում ՀՀ դեսպան Սերոբ Բեջանյանի հայտարարագիրը կարող եք տեսնել ստորև․
Իրանում ՀՀ դեսպան Արսեն Ավագյանի հայտարարագիրը կարող եք տեսնել ստորև․
Մեքսիկայում ՀՀ դեսպան Արմելլա Շաքարյանը հայտարարագրել է բնակարան, MERCEDES-BENZ մակնիշի ավտոմեքենա, 8,791.00 ԱՄՆ դոլար և 3,253.00 ԱՄՆ դոլար որպես բանկային հաշվի մնացորդ։
Հատուկ հանձնարարություններով դեսպան Արթուր Ջավադյանը հայտարարագրել է հողամաս, անհատական բնակելի տուն, MERCEDES-BENZ և VOLKSWAGEN մակնիշի ավտոմեքենաներ, 2,162,700.00 դրամի բաժնային արժեթուղթ, 45,000,000.00 դրամի հանձնված և վերադարձված փոխառություն,112,000.00 եվրոյի 729,958.90 ԱՄՆ դոլարի և 450,948.50 ՀՀ դրամի բանկային ավանդ: 15,000.00 ԱՄՆ դոլարի , 21,000.00 եվրոյի և 6,000,000.00 ՀՀ դրամի կանխիկ գումար, եկամուտները կազմել են 81,176,700.30 ՀՀ դրամ, 33,436.30 ԱՄՆ դոլար, 4,998.30 եվրո:
